Жаңа білім беру технологияларын, пәндік білім, жұмсақ дағдылар және оқушылардың функционалдық сауаттылығын дамыту саласындағы педагогтардың біліктілігін арттыру бағдарламасы.

27 қыркүйектен 5 желтоқсанға дейін Педагогтың пәндік құзыреттіліктері
10 желтоқсан мен 20 мамыр аралығында ФС, ЦС және Әмбебап дағдылар

• 4000 мұғалім
• Мұғалім әр тректен курстарды таңдайды
• 136 сағатқа өзінің кәсіби дамуының жеке бағдарламасын жасайды

«Педагогтың пәндік құзыреттілігі» трегі бойынша оқыту педагогтың пәндік және әдістемелік білімі мен дағдыларын (пәндік құзыреттерін) дамытуға ықпал етеді.

«Оқушылардың функционалдық сауаттылығын қалыптастыру және бағалау» трегі бойынша оқыту мұғалімге функционалдық сауаттылықтың түрлерін - оқырмандық, ғылыми-жаратылыстанулық, математикалық, қаржылық сауаттылықтарын, жаһандық құзыреттіліктер мен креативті ойлауды сапалы қалыптастыруға және бағалауға көмектеседі.

«Заманауи педагогтың цифрлық сауаттылығы» трегі мұғалімге білім беру ортасын жобалауда цифрлық технологияларды енгізуге және оқытуды күндізгі, аралас және онлайн форматта тиімдірек жүргізуге мүмкіндік береді.

«Педагог үшін икемді дағдылар» трегі мұғалімдерге өзін және оқушыларды ынталандыруға, команданы басқаруға, жұмыс уақытын жоспарлауға, әңгімелесушінің эмоцияларын тануға, нәтижелі кездесулер өткізуге және өз көзқарасын сенімді жеткізуге көмектеседі.

Сабақ беру барысында мұғалімдерге көмек ретіндегі цифрлық контент пен симуляторлары бар интерактивті платформа.

Әрбір ERG мектебі математика, география, ағылшын тілі, физика, химия, биология және STEM пәндері бойынша цифрлық контенті бар платформаға қол жеткізе алады:

• Математика, география, ағылшын тілі, физика, химия, биология және STEAM-пәндері бойынша 1000 симулятор;
• Оқушылардың функционалдық сауаттылығын дамытуға арналған интерактивті тренажер;
• Оқу үдерісінде интерактивті симуляторларды қолдана білуге педагогтарды үйрету;
• Статистикалық мониторинг пен үй тапсырмасы берілген дербес оқыту платформасы.

Жаңа білім беру технологиялары бойынша жаһандық конференция — ҚР БҒМ қолдауымен Назарбаев Зияткерлік мектептері, «МИСиС» ҒЗТУ, Сколково қоры, Mail.ru Group және Алматы әкімдігімен өткізілетін жаңа білім беру технологиялары бойынша Еуропа мен Ресейдегі ең ірі және басты конференция.

Мақсаты: цифрлық технологияларды қолдану арқылы сабақ беруді және оқытуды трансформациялауға бағытталған білім беру технологияларын ілгерілету.

Конференция тақырыбы: жаңа білім беру тәжірибесін жобалау (Learning Experience Design).

Өткізу күні: 2021 жылдың 7-9 желтоқсаны.

Өткізу орны: Алматы және Мәскеу қалалары.

Спикерлер: 30 елден келген 700 спикер, 250 сессия, баяндамалар мен шеберлік сағаттары.

Мектептердің басқару командаларын қайта даярлау бағдарламасы (директор және оның 2 орынбасары)

БАСҚАРУ ЖӘНЕ КӨШБАСШЫЛЫҚ: ЖУЫРДАҒЫ ДАМУ МЕКТЕБІ
басқару командаларын кәсіби қайта даярлау бағдарламасы

Ұзақтығы: iске қосу 2022 жылға жоспарланған.

Оқыту форматы — 8 модуль:

• Бастамашыл вебинарлар
• Симулятор ойыны
• Конференция
• Жобалау жұмысы
• Тыңдаушыларды сүйемелдеу

КҮТІЛЕТІН НӘТИЖЕЛЕР

ERG-дің 50 мектебінің басқарушылар командасы (жалпы 150 адам) оқудан өтеді:

• стратегиялық ойлаумен бірге басқарушылық және көшбасшылық құзыреттерге ие болады;
• мемлекеттік және жеке білім беру ұйымдарына басшылық жасау, билік органдарында жұмыс істеу, талдаушылар мен сарапшылар ретінде сөз сөйлеу дағдыларын жетілдіреді;
• нәтижеге бағдарланған өз ұйымдарын дамыта алады, сондай-ақ практика мен тағылымдама барысында алынған деректерді өз ұйымындағы өзгерістер үшін пайдалана алады;
• кәсіби байланыстар аясын кеңейтеді, сондай-ақ білім беру көшбасшыларының кадрлар резервіне немесе одан әрі оқытуды жалғастыруға ұсынылады.

БАҒДАРЛАМАНЫҢ МАҚСАТЫ ЖӘНЕ БІЛІМ БЕРУ НӘТИЖЕЛЕРІ
Кұзыреттерін қалыптастыра және жетілдіре отырып, мемлекеттік және жергілікті басқару саласындағы кәсіби қызметтің жаңа түрін орындау үшін жүйелі білім алу:

• жалпы орта білім берудің қазіргі жай-күйін және оның даму үрдістерін, білім берудің мақсаттары мен міндеттерінің эволюциясын түсіну;
• білім алушылардың білім беру нәтижелері, білім беру үдерісін кадрлық, материалдық-техникалық қамтамасыз ету бағыттары бойынша ішкі және сыртқы бағалау нәтижелерін ескере отырып, білім беру ұйымын дамыту бағдарламаларын жобалау;
• сынақтан өткізілген құралдарды пайдалана отырып, мектептегі білім беру жағдайына талдау жүргізу;
• өзгерістерді жобалау кезінде ұйымның ішкі және сыртқы ортасын талдаудың бизнес-құралдарын қолдану;
• ұлттық білім беру саясаты мен республикалық жобалар контексіндегі өңірлік ерекшеліктерді ескере отырып, білім беру ұйымының стратегиясын және сценарийлік жоспарлауды жобалау;
• қазіргі заманғы мектепте білім беру бағдарламаларын және даму бағдарламаларын іске асыруды ұйымдастырушылық қамтамасыз етуді білу.

БАҒДАРЛАМАНЫ ӘЗІРЛЕУ ТӘСІЛДЕРІ

КОМАНДА ҚҰРУ
Әр тыңдаушының, мектеп командасының қатысушысының басқару профилін анықтау. Мектеп ұжымдарындағы нақты көшбасшыларды анықтау бойынша бағдарлама директоры мен әзірлеушінің бірлескен жұмысы.

КОМАНДАНЫҢ ӨЗ ЖОБАСЫ БОЙЫНША ЖҰМЫСЫ
Команда өзінің мектепті дамыту жобасын жасайды, ол үшін тағылымдамадан, экспедициядан өтеді, үздік мектептердің тәжірибесін зерделейді.

ДЕРБЕСТЕНДІРІЛГЕН ОҚЫТУ
Жеке «профиль» және кәсіби тапшылықты диагностикалау негізінде топтық жобалық оқыту және жеке оқу жоспары.

АЙМАҚТЫҚ КОНТЕКСТ
Жобалардың, даму бағдарламаларының тақырыптары білім беру ұйымдарының басымдықтарымен және жергілікті атқарушы органдардың алдында тұрған міндеттермен айқындалады.

БАҒДАРЛАМАНЫҢ ӘСЕРІ
Командалар әзірлеген жобалар - бұл ұлттық білім беру саясаты мен республикалық жобалар контексіндегі өңірлік ерекшеліктерді ескере отырып, ӨЗ МЕКТЕБІН ДАМЫТУДЫҢ СТРАТЕГИЯСЫ МЕН СЦЕНАРИЙЛІК ЖОСПАРЛАУЫ. Мектеп командалары өңірдің КАДРЛЫҚ РЕЗЕРВІН қалыптастыру үшін негіз бола алады, сондай-ақ тілегі бір адамдардың келесі тобын сатылы әдіспен оқыта алады.